Sarreren salneurriaren %20eko beherapena eskaintzen dute. Abonamendu hau Hamabostaldiaren Lagunek bakarrik eros dezakete (abonamendu bat pertsonako).

Lagunak eserleku bera izango du, urtez urte, kuota ordaindu eta abonamenduaren berriztapena eskatzen duen artean.

Abonamenduz kanpoko kontzertuetan, abonamendudunek lehentasuna izango dute sarrera solteak erosterakoan (sarrera bana pertsona eta kontzertuko). Kasu honetan ez dira sartzen abonamenduko kontzertuen errepikapenak eta ezingo dira haietarako sarrerak eskatu.

Abonamendu berriak Lagun zenbakiari zorrotz jarraituz salduko dira. Edizio bakoitzeko abonamendudunen kopuru osoak ezingo du Auditorioaren edukiera osoaren %50a gainditu.

Abonamendua Musika Hamabostaldiko bulegoetan jasotzen da data zehatz batzuetan eta adierazitako epean jasotzen ez bada, abonamendu hori galdu egiten da.

Lagunak lehentasuna du banakako sarrerak erosterakoan. Banakako sarreren eskaerei abonamenduak banatzeko aldia bukatu ondoren hasiko zaie erantzuten, Lagun zenbakiari zorrotz jarraituz.
Lagunak sarrera bat eskatu ahal izango du kontzertu bakoitzerako. Dena den sarrera horiek erabiltzeko moduan dagoen edukieraren arabera emango dira, ikuskizun bakoitzeko edukieraren %25a salmenta orokorrerako gordetzen baita beti.